സുഹൃത്തെ നമുക്ക് കാഴ്ചകളില്‍ നിന്നും
പുറം തിരിഞ്ഞു നടക്കാം
വഴിയരികില്‍ ഉള്ളവര്‍ നമുക്ക് അന്യര്‍
അവനു വിശന്നാലും ,വിഷം തീണ്ടിയാലും നമുക്കെന്ത് ?
നമ്മുടെ മക്കള്‍ കോംബ്ലാന്‍ കുടിച്ചു സുരക്ഷിതര്‍ ആണ്
ജീവനുള്ള ശവങ്ങളില്‍ ചവിട്ടാതെ നടക്കുക ...
ചിലപ്പോള്‍ അവ നമ്മെ വീഴ്ത്തി കളയും
എങ്കിലും ,നമുക്ക് ഇവര്‍ക്കായി
ക്യാമറക്ക്‌ മുന്നില്‍ കണ്ണീര്‍ ഒഴുക്കാം..
ഇവരുടെ പെരുവിരല്‍ നമ്മെ തുണക്കതിരിക്കില്ല ..
പിന്നെ ചിരിച്ചു കൊണ്ട് തിരിഞ്ഞു നടക്കാം
കെട്ടുവള്ളങ്ങളിലെ ശീതികരിച്ച മുറികളില്‍
പുതപ്പുകള്‍ നമ്മെ കാത്തിരിക്കുന്നു ...
No comments:
Post a Comment