വെറുതെ അല്ല ഈശ്വരന്‍ സമുഹത്തില്‍ ഒറ്റ പെട്ട് പോയത് എന്നൊക്കെ ചിന്തിച്ചു ഞാന്‍ അങ്ങ് ഉറങ്ങിപോയി ..എന്തായാലും
എന്റെ സ്വപ്നത്തില്‍ ആ പാവം ഈശ്വരന്‍ പ്രത്യക്ഷ പെട്ട് കേട്ടോ ..ഞാന്‍ അദ്ദേഹത്തോട് ചോദിച്ചു
ഈശ്വരാ നിനക്ക് യുദ്ധം ചെയ്യാന്‍ അറിയുമോ ?
ഈശ്വരന്‍ :ഇല്ല
ഞാന്‍ :നിനക്ക് ബോംബ്‌ ഉണ്ടാക്കാന്‍ അറിയുമോ
ഈശ്വരന്‍ :ബോംബോ അതെന്താണ് കുഞ്ഞേ ..
ഞാന്‍ :അതൊക്കെ പോട്ടെ നിനക്ക് സ്വന്തമായി ഒരു കൊട്ടേഷന്‍ ടീം ഉണ്ടോ കൈ വെട്ടാനും കഴുത് അരക്കാനും കൊല്ലാനും ഒക്കെ ആയി
ഈശ്വരന്‍ :അതിനു എനിക്കെവിടെ ശത്രുക്കള്‍ ...
സത്യത്തില്‍ അപ്പോള്‍ എനിക്ക് ഈശ്വരനോട് സഹതാപം തോന്നി ...ഈശ്വരന്‍ ആണ് പോലും ഈശ്വരന്‍ ..ഇതൊന്നും അറിയാത്ത നീ എന്ത് ഈശ്വരന്‍ ..ഇതാണ് ചോദിയ്ക്കാന്‍ വന്നത് പക്ഷെ അതങ്ങ് വിഴുങ്ങി ...അങ്ങേരു കോപിച്ചാലോ
പിന്നെ ഞാന്‍ അദ്ദേഹത്തോട് ചോദിച്ചു ...നിന്റെ മതം ഏത ...
നോ രക്ഷ ..അറിയില്ല അത്രേ ..ജാതി ?അതും ഇല്ല എന്ന്
കഷ്ടം ഇതിനെ ഒക്കെ എങ്ങനെ ..റേഷന്‍ കാര്‍ഡില്‍ പേര് ചേര്‍ക്കും
പത്താം ക്ലാസില്‍ പരീക്ഷ എഴുതിക്കും ...ഒരു ജോലി പോലും കിട്ടില്ല...
.പിന്നെയും എന്റെ ചോദ്യം
നിനക്ക് സ്വന്തമായി ഒരു വീടുണ്ടോ ?
നിന്റെ ഒക്കെ ഹൃദയം ആണ് അത്രേ എന്റെ വീട്
എന്ന സ്ഥിരം തത്വശാസ്ത്രം ആയിരുന്നു അങ്ങേരുടെ മറു പടി ...എനിക്ക് സഹിക്കാവുന്നതില്‍ അപ്പുറം ആയിരുന്നു അത്
സഹികെട്ട് ഞാന്‍ ചോദിച്ചു ..അല്ലടോ ..ഇയാള്‍ക്ക് വേണ്ടി അല്ലെ ഞങ്ങള്‍ പള്ളി പൊളിച്ചതും
അമ്പലത്തിനു ബോംബു വച്ചതും ..മറ്റുള്ളവന്റെ കഴുത് അറത്തതും യുദ്ധം ചെയ്തതും ഒക്കെ
അതിനു കിട്ടിയ മറു പടി എന്നെ കരയിച്ചു കളഞ്ഞു ..ഈശ്വരന്റെ വീട്ടില്‍ കേബിള്‍ കണക്ഷന്‍ കിട്ടിയിട്ടില്ല പോലും
ഇതൊന്നും ലൈവ് ആയി അദ്ദേഹം കണ്ടിട്ടില്ല അത്രേ ...ആരോ പറഞ്ഞു കേട്ടുള്ള അറിവേ ഉള്ളു പാവം
ഇവിടെ നടക്കുന്നത് ഒന്നും അറിഞ്ഞിട്ടില്ല ...ഞാന്‍ ആയിട്ട് ഒന്നും വിഷധീകരിക്കാനും നിന്നില്ല ...
എങ്കിലും അങ്ങേര്‍ പോകുന്നതിനു മുന്പ് എന്നോട് ഒരു കാര്യം ചോദിച്ചു
"മക്കളെ നിങ്ങള്‍ എന്റെ പേരില്‍ പകുത്തെടുത്ത ആ ഭൂമിയില്‍ നിന്നും
ഒരു രണ്ടു സെന്റ്‌ സ്ഥലം എനിക്ക് തരുമോ ...എനിക്കൊരു കുടില് കെട്ടി താമസിക്കുവാന ..."
No comments:
Post a Comment